Saturday, 29 November 2014

IGA ഫിഫ ടിപ്പ്സ്

 ഫിഫ കളിക്കുന്നവര്‍ക്ക് ഉപകാരപ്പെടുന്ന  കുറച്ചു  കാര്യങ്ങള്‍  ഇവിടെ  പങ്കുവെക്കുന്നു .

ഫുട്ബോള്‍  കരുത്തും  സൗന്ദര്യവും  ഒത്തിണങ്ങിയ കളിയാണ്  . സ്കോറിലോ ഗോളുകളുടെ  ഗണിതശാസ്ത്രത്തിലോ മറ്റു  സ്റ്റാറ്റിസ്റ്റിക്സിലോ  തിട്ടപ്പെടുത്താന്‍  കഴിയാത്ത  സൗന്ദര്യമുള്ള ഒരു  കളിയാണ്  ഫുട്ബാള്‍ . അതുള്‍ക്കൊണ്ട്  കൊണ്ട്  വേണം  ഫിഫ  എന്ന  ഗെയിമിനെയും  സമീപിക്കാന്‍ .

The Beautiful Game 

ഫുട്ബാള്‍ കളിക്കുന്നതിനെ  രണ്ടു രീതിയില്‍  തരം  തിരിക്കാനാണ്  ഞാന്‍  ഇഷ്ടപ്പെടുന്നത്  . ബാഴ്സലോണ  സ്റ്റൈലും  റയല്‍  മാട്രിഡ് സ്റ്റൈലും . ബാഴ്സലോണ  ശൈലി  എന്നാല്‍  വളരെ  റിലാക്സ്ട് ആയ ഒരു  ശൈലിയാണ് . പന്ത്  കൈവശം  വെക്കുക എന്നതാണ്  മുഖ്യലക്ഷ്യം , കാരണം പന്ത്  കയ്യിലില്ലാത്തവന്  കളിയില്‍  കൂടുതലൊന്നും  ചെയ്യാനില്ല . കേട്ടിട്ടില്ലേ , The ball is in his court . മാട്രിഡ്  ശൈലിയെന്നാല്‍ ലക്ഷ്യത്തിനാണ്  കുറേക്കൂടി  പ്രാധാന്യം , കാരണം  സ്കോര്‍ ആണ്  വിജയിയെ  തീരുമാനിക്കുന്നത് , കളിക്കുന്നത്  വിജയിക്കാനും . ഫുട്ബാളിലെ  രണ്ടു  ലക്ഷ്യങ്ങള്‍  - ഗോളടിക്കുക , അടിക്കാന്‍  സമ്മതിക്കാതിരിക്കുക . ഇത്  രണ്ടും  നിറവേറ്റുന്നതിന് പ്രാധാന്യം  കൊടുക്കും  . ബോള്‍ കയ്യില്‍  കിട്ടിയാല്‍  അത് പെട്ടെന്ന് വലയിലെത്തിക്കാനുള്ള  വഴിയാണ്  നോക്കുക . അതുപോലെ ബോള്‍ , പോയിക്കഴിഞ്ഞാല്‍ അത്  ഏത്  വിധേനയും  അവരുടെ  കയ്യില്‍  നിന്ന്  തിരിച്ചു വാങ്ങുക , അതിനേത് മാര്‍ഗവും  സ്വീകാര്യമാണ് . ഇവിടെ  പ്രധാനമായ  വ്യത്യാസം ബാഴ്സാ  ശൈലി  റിലാക്സ്ട് ആണ് മാട്രിഡ്  ശൈലി അഗ്രെസീവ്( കൂടുതല്‍ ആവേശം ) ആണ് .

ഫിഫ  കളിക്കുന്നവരും  ഈ  രണ്ടു  ശൈലികളില്‍  ഒന്ന്  സ്വീകരിച്ചവരായിരിക്കും .

കളിയുടെ  മൂന്ന്‍  മേഖലകളായ  അറ്റാക്ക്  , മിട്ഫീല്ട് , ഡിഫന്‍സ്  എന്നിങ്ങനെ  മൂന്നായി  കുറിപ്പ്  തരംതിരിക്കുന്നു .

അറ്റാക്ക്  :

പടയൊരുക്കം :
* എത്ര  പ്രതിരോധാത്മകമായ ഗെയിം പ്ലാന്‍  ആണെങ്കിലും' ഒന്നില്‍  കൂടുതല്‍  ഫോര്വാര്‍ഡുകള്‍ ഉണ്ടാവുന്നതാണ്  എപ്പോഴും  നല്ലത്  .
* വേഗവും  ഫിനിഷിംഗ്  മികവുമാണ്  ഫോര്വാര്‍ഡുകളെ  തിരഞ്ഞെടുക്കുമ്പോള്‍  ശ്രദ്ധിക്കേണ്ടത് .

കളിക്കുമ്പോള്‍ അറ്റാക്കില്‍ ശ്രദ്ധിക്കേണ്ട  കാര്യങ്ങള്‍ . എല്ലാം  ഒരുമിച്ചു പ്രാക്ടീസ്  ചെയ്യാന്‍  പറ്റില്ല  . അതുകൊണ്ട്  മുന്‍ഗണന പ്രകാരം  ഓരോ  സ്റ്റെജുകളായി തരംതിരിക്കുന്നു :

സ്റ്റേജ് 1 : സ്പ്രിന്‍റ്  ബട്ടണ്‍  സൂക്ഷിച്ചു  ഉപയോഗിക്കുക  . 'വ്രൂം...' എന്നലറിക്കൊണ്ട്  പോസ്റ്റിലേക്ക്  പോയി പന്ത്  വലയിലാക്കാന്‍  ഇത്  റേസിംഗ്  അല്ല  . ഓടാന്‍  മുന്നില്‍  സ്ഥലമുള്ളപ്പോള്‍ മാത്രം  സ്പ്രിന്‍റ്  ബട്ടണ്‍  ഉപയോഗിക്കുക . അല്ലാത്തപ്പോള്‍  ആരോ  ബട്ടണുകള്‍  മാത്രം  ഉപയോഗിച്ച്  ഡ്രിബിള്‍ ചെയ്യുക .  )

സ്റ്റേജ് 2 : കൃത്യമായി  ഡ്രിബിള്‍ ചെയ്യാന്‍  പഠിക്കുക . നമ്മള്‍  മനസ്സില്‍ കാണുന്ന  പോലെ  തന്നെയാണ്  സ്ക്രീനിലും  സംഭവിക്കുന്നത്  എന്നുറപ്പ്  വരുത്തുക ,  ഡ്രിബിളിങ്ങിന്‍റെ  കാര്യത്തില്‍ . സ്കില്‍  മൂവുകള്‍  ഡ്രിബിളിങ്ങിനു ഒട്ടും ആവശ്യമില്ല . ആരോ  ബട്ടണ്‍  മാത്രം  ഉപയോഗിച്ച് എതിരാളിയെ  വിദഗ്ദമായി  മറികടക്കാന്‍ ഫിഫ 13 മുതല്‍  കഴിയും . നേരത്തെ  പറഞ്ഞ  പോലെ എതിരാളിക്ക് മുന്നില്‍  സ്പ്രിന്‍റ്  ബട്ടണ്‍  തൊട്ടുപോകരുത് .  എതിരാളിയുടെ  മൊമെന്റം  എങ്ങോട്ടാണോ  അതിന്‍റെ എതിര്‍ദിശയിലേക്ക് നമ്മള്‍  നീങ്ങുക എന്നതാണ്  ഡ്രിബിളിങ്ങിന്റെ  ബാലപാഠം .

Don't try the Cristiano stunts unless you're that much experienced .  Stunts performed by an experienced professional :)

സ്റ്റേജ്  3 : ഷൂട്ട്‌  ബട്ടണ്‍  പ്രസ്  ചെയ്ത  ഉടനെ  തന്നെ  പാസ് ബട്ടണ്‍  പ്രസ്  ചെയ്താല്‍  കളിക്കുന്ന  ഫെയ്ക്ക്  ഷോട്ട് മൂവ് എളുപ്പമുള്ള  ഒരു  ട്രിക്ക്  ആണ്  . അത്  പഠിച്ചുവെക്കുന്നത്  നന്നായിരിക്കും . മറ്റൊരു    സ്കില്‍  മൂവും 'ആവശ്യ'മില്ല .

സ്റ്റേജ് 4 :എതിരാളിയെ  മറികടന്ന ഉടനെ  സ്പ്രിന്‍റ് ബട്ടണ്‍  ഉപയോഗിക്കാന്‍  ശ്രദ്ധിക്കുക . Analog Sprint എന്ന  ഓപ്ഷന്‍  അനുവദിക്കുന്നത്  നല്ലതാണ്  .

സ്റ്റേജ് 5 : എപ്പൊഴും രണ്ടാം  പോസ്റ്റിലേക്ക്  ഫിനിഷ്  ചെയ്യാന്‍  ശ്രമിക്കുക . ഗോളി  ഏത്  പോസ്റ്റിന്‍റെ  അടുത്താണോ  നില്‍ക്കുന്നത് , അതാണ്‌ ഒന്നാം  പോസ്റ്റ്‌  . അവിടെ  ഫിനിഷ്  ചെയ്യല്‍  എളുപ്പമല്ല . പ്ലേസ്  ചെയ്ത്  കൊണ്ട് മാത്രം  ഫിനിഷ്  ചെയ്യുക . Finesse key ഹോള്‍ഡ്‌  ചെയ്ത്  രണ്ടാം  പോസ്റ്റിലേക്ക്  ദിശ  കൊടുത്ത് വളരെ  കൂള്‍  ആയി  മെല്ലെ  ഷൂട്ട്‌  ബട്ടണ്‍  പ്രസ്  ചെയ്യാന്‍  ശീലിച്ചാല്‍  ഫിനിഷിംഗ്  ഒരു  പ്രശ്നമേ  അല്ല . എളുപ്പമുള്ള ഗോളവസരങ്ങള്‍  പോലും സമ്മര്‍ദം  കാരണം  പലപ്പോഴും  ഗോള്‍  ആവില്ല  ഫുട്ബാളില്‍ . അതുകൊണ്ട്  ഫിനിഷ് ചെയ്യാന്‍  നേരം  സമ്മര്‍ദത്തെ  അതിജീവിച്ചേ പറ്റൂ  .


സ്റ്റേജ് 6 : അറ്റാക്കര്‍ക്ക് പാസ്  ചെയ്യുമ്പോള്‍ ത്രൂ  ബോള്‍  കൊടുക്കാന്‍  ശ്രദ്ധിക്കുക . നല്ലൊരു  ത്രൂ  ബോള്‍  എന്നാല്‍  ഒരു   ഗോളവസരം  എന്നാണു  അര്‍ഥം  . Aerial through ball അഥവാ  വായുവിലൂടെയുള്ള ത്രൂ ബോള്‍ പലപ്പോഴും  എതിരാളികളെ കാഴ്ചക്കാരാക്കി  നിര്‍ത്തും .

സ്റ്റേജ് 7 :   മുന്നിലേക്ക്  ത്രൂ  ബോള്‍  ഇടാന്‍ കൈകൊണ്ടു ഫോര്‍വാര്‍ഡ് ആംഗ്യം കാണിക്കുന്നത്  ശ്രദ്ധിക്കുക . അങ്ങനെ  ഒരവസരം  കിട്ടിയാല്‍ , കൃത്യമായി ത്രൂ പാസ്  ചെയ്‌താല്‍ , അറ്റാക്കര്‍ ഡിഫന്‍സിനെ മറികടന്നിട്ടുണ്ടാവും  എന്നതില്‍  സംശയം  വേണ്ട . ഇനി  അത്  ഫിനിഷ്  ചെയ്യേണ്ട  ജോലിയെ ഉള്ളൂ  .

സ്റ്റേജ്  8 : ബോക്സിലെത്തിയിട്ട് ഫിനിഷ്  ചെയ്യാന്‍  വഴിയില്ലെങ്കില്‍,  മാര്‍ക്ക്  ചെയ്യപ്പെടാതെ  നില്‍ക്കുന്ന  ഫോര്വാരടിനു പാസ്  കൊടുക്കുക . ഫിനിഷ്  ചെയ്യുക .

*വിങ്ങര്‍മാരെ നന്നായി ഉപയോഗിച്ചാല്‍  സോളോ  ഗോളുകള്‍  നേടാന്‍  കഴിയും  .


മിഡ്ഫീല്‍ഡ് :

ഫുട്ബാളില്‍  സ്കോര്‍  വിടരുന്നത്  ഗോള്‍  പോസ്റ്റിലാനെങ്കിലും കളി  നടക്കുന്നത്  മിഡ്ഫീല്‍ഡിലാണ് . ബാഴ്സലോണയുടെ പടയോട്ടങ്ങളില്‍ മിഡ്ഫീല്‍ഡ്  നിയന്ത്രിച്ച  സാവിയുടെ  മിടുക്ക്  അവിടെയാണ് . ജെറാര്‍ട് ടീമിനെ  നിയന്ത്രിക്കുന്നത്  മിഡ്ഫീല്‍ടിലാണ് . അര്‍ജെന്റീനയെ വേള്‍ഡ്  കപ്പ്‌  ഫൈനല്‍  ഫീല്‍ഡില്‍  നയിച്ച മാഷെരാനോയും മിഡ്ഫീല്ടിന്റെ കപ്പിത്താന്‍  ആയിരുന്നു  . സിദാന്‍റെ പ്രാധാന്യവും കളി നിയന്ത്രിക്കുന്ന  ബുദ്ധികേന്ദ്രം  എന്നത്  തന്നെ .

പടയൊരുക്കം :
* പാസിങ്ങിലും ഡ്രിബ്ലിങ്ങിലും 'മെന്റാലിറ്റി'യിലും  മുന്‍‌തൂക്കം  കൊടുത്ത് മിഡ്ഫീല്‍ഡര്‍മാരെ തിരഞ്ഞെടുക്കുക .

സ്റ്റേജ്  1 : കൃത്യമായി  പാസ്  ചെയ്യാന്‍ ശീലിക്കുക . അതിനു  പ്രധാനമായും  ശ്രദ്ധിക്കേണ്ടത് പാസ്  കൊടുക്കുന്നയാള്‍ക്കും  വാങ്ങുന്നയാള്‍ക്കും  ഇടയില്‍ ഒരു  തടസവുമില്ല  എന്നുറപ്പ്  വരുത്തുകയാണ് .

സ്റ്റേജ്  2 : കൃത്യമായി  പാസ് വാങ്ങാന്‍  ശീലിക്കുക . പുതിയ  ഫിഫകളില്‍ ബോള്‍  ഒരു  കാന്തം പോലെ  പാസ്  വാങ്ങുന്നവന്റെ  കാലിലേക്ക്  വരില്ല . ബോള്‍  പലപ്പോഴും  അങ്ങോട്ട്‌  കയറി  സ്വീകരിക്കേണ്ടി  വരും .

 
Midfielders wins games

സ്റ്റേജ്  3 : * ഓരോ  തവണ  പന്ത്  കിട്ടുമ്പോഴും  നേരെ  എതിര്‍പോസ്ട്ടിലെക്ക് കുതിക്കരുത്  . പന്ത്  കിട്ടിയാല്‍  ടീമിന്  അറ്റാക്കിംഗ്  മോഡിലേക്ക്  മാറുവാന്‍  സമയം  കണ്ടെത്തെണ്ടതുണ്ട് . പാവം അറ്റാക്കര്‍മാരെ വെറുതെ  ഓടിച്ചാല്‍  അറ്റാക്കിന് കാര്യക്ഷമത  കുറയും . അതുകൊണ്ട്  പന്ത്  എതിര്ടീമില്‍ നിന്നും നേടിയാല്‍ ( വളരെ നല്ലൊരു കൗണ്ടര്‍  അറ്റാക്കിന് സ്കോപ്പ്  ഇല്ലെങ്കില്‍ ) , മിഡ്ഫീല്‍ഡും ഡിഫന്‍സും തമ്മില്‍ തമ്മില്‍  പന്ത് കൈമാറി ടീമിനെ  പതുക്കെ  അറ്റാക്കിന്  സജ്ജമാക്കുക .
*അറ്റാക്കര്‍ക്ക് അവസരം  തുറന്നു കിട്ടുന്നത്  വരെ മിഡ്ഫീല്‍ഡില്‍  പന്ത്  ചുമ്മാ  കൈവശം  വെക്കുക . അവസരമോഹി  ആയി , മിഡ്ഫീല്‍ഡില്‍ പന്ത്  നഷ്ടപ്പെടുത്താതെ , പതുക്കെ  ഡ്രിബിള്‍ ചെയ്യുകയോ  പാസ്  ചെയ്ത്  കൊണ്ടിരിക്കുകയോ  ചെയ്യുക . അപ്പോള്‍  ഒരു കുറുക്കനെ  പോലെ ഫീല്‍ഡില്‍ അവസരങ്ങളെ  അന്വേഷിക്കണം . പന്ത്  നഷ്ടപ്പെടുത്തരുത് . ബാക്ക്  പാസ്  എപ്പോഴും  നല്ലൊരു  ഓപ്ഷന്‍  ആണ്  . കാരണം  നമ്മുടെ ഡിഫന്ടരെ ആരും  മാര്‍ക്ക്  ചെയ്യുന്നുണ്ടാവില്ല .
*അറ്റാക്കിനു  വേണ്ടി  മിഡ്ഫീല്ടര്‍മാരെ  ഒരിക്കലും  സ്പ്രിന്‍റ്  ചെയ്യിക്കരുത് , ഊര്‍ജനഷ്ടം മാത്രമാണത്  . എന്നാല്‍  ഡിഫന്‍സിലേക്ക്  ഇറങ്ങേണ്ടി  വരുമ്പോള്‍ സ്പ്രിന്‍റ്  ചെയ്യേണ്ടി  വന്നാല്‍  മടിക്കരുത് .

Midfielders should have good eyes and the best brains

സ്റ്റേജ് 4 : There should be some penetration at the end of patience എന്നാണു . നമ്മള്‍  പന്ത്  കൈവശം  വെക്കുന്നത് കളി  മുഷിപ്പിക്കാനല്ല . കളി  നെയ്തെടുക്കാനാണ് . നല്ലൊരു  അവസരം  കണ്ടാല്‍  പാഴാക്കാതിരിക്കുക . നല്ല  അവസരങ്ങള്‍ കിട്ടിയില്ലെങ്കില്‍  ഡ്രിബിള്‍  ചെയ്തോ  ചെറിയ  ചെറിയ  പാസുകള്‍  ചെയ്തോ  ടീമിനെ  പതുക്കെ  എതിര്‍ബോക്സിലേക്ക് എത്തിക്കുക .

സ്റ്റേജ് 5 : ത്രൂ  ബോള്‍ .

സ്റ്റേജ് 6 : ത്രൂ  ബോള്‍ .

സ്റ്റേജ്  7 : പന്ത്  കയ്യില്‍ നിന്ന്  നഷ്ടപ്പെട്ടാല്‍  അത്  തിരിച്ചുവാങ്ങാന്‍ തിരക്ക്  കൂട്ടരുത് . മിഡ്ഫീല്‍ഡര്‍മാരെ പതുക്കെ ഡിഫന്‍സിലേക്ക്  ഇറക്കുക . അതിന്‍റെ  ഗുണം  എന്താണെന്ന്  വച്ചാല്‍ ഒരു മിഡ്ഫീല്‍ഡറെ മറികടന്നു എതിരാളി  നേരെ  വരുന്നത്  നമ്മുടെ  ഡിഫന്‍ഡരുടെ മുന്നിലേക്കാണ്‌ - രണ്ടുപേരെ ഒന്നൊന്നായി  മറികടക്കല്‍  എളുപ്പമല്ല  .  ഡിഫന്‍ഡര്മാര്‍ക്ക് ബോക്സില്‍  ചക്രവ്യൂഹം ചമക്കാന്‍ സമയം  കിട്ടുക  കൂടി  ചെയ്യും , മിഡ്ഫീല്‍ഡര്‍മാരെ  കൊണ്ട്  എതിരാളിയെ  കവര്‍  ചെയ്യുമ്പോള്‍ .


ഡിഫന്‍സ് :

ഡിഫന്‍സാണ്  ഏറ്റവും  ശ്രദ്ധിക്കേണ്ട  , എന്നാല്‍  ഫിഫ  കളിക്കുന്നവര്‍ അധികം ശ്രദ്ധിക്കാത്ത  മേഖല  എന്ന്  പറയേണ്ടി  വരും . ഏറ്റവും  പ്രാധാന്യമുള്ളതായത് കൊണ്ടാണു  ഡിഫന്‍സിനെ അവസാനം  പറഞ്ഞത് .

പടയൊരുക്കം  : മൂന്ന്‍  ഡിഫണ്ടര്‍മാരുമായി  ഒരിക്കലും  കളിക്കരുത് . ഡിഫണ്ടര്‍മാര്‍  പൊതുവേ  സ്ലോ  ആയിരിക്കും  . ഡിഫണ്ടിംഗ്  കഴിവുകള്‍ക്ക്( Tackle , Interception , Marking )  മുന്‍ഗണന  കൊടുത്ത് കളിക്കാരെ  തിരഞ്ഞെടുക്കുക  .

ഫിഫയില്‍  രണ്ടു  ഡിഫന്‍ഡിംഗ്  കണ്ട്രോള്‍  സ്ക്കീമുകളുണ്ട് - Tactical Defending ( ഡിഫന്‍സ് പൂര്‍ണമായും  ഗെയിമരുടെ  ഉത്തരവാദിത്വം  ആണ്  . ഓരോ  നീക്കവും  ഓരോ  ടാക്കിളും  ടൈം ചെയ്യേണ്ടതുണ്ട് ) .  Legacy Defending ( കമ്പ്യുട്ടറില്‍  നിന്ന്  ഡിഫന്‍സിന്  അസിസ്റ്റന്‍സ് കിട്ടും . താരതമ്യേന  വളരെ  എളുപ്പം  )

Legacy defending ഇല്‍ ബോള്‍  കയ്യിലുള്ള  ആളില്‍ പ്രെഷര്‍ ചെയ്‌താല്‍  മതിയാവും  . ഓട്ടോമാറ്റിക്  ആയി  ടാക്കിള്‍  ചെയ്തോളും .

Tactical defending അടിസ്ഥാനമാക്കിയുള്ള  കുറച്ചു  ഡിഫന്‍സ്  ടിപ്സ് :

സ്റ്റേജ് 1 : അറ്റാക്ക്  പോലെ  തന്നെ പ്രൊഫഷണല്‍ ഫുട്ബാളില്‍  വളരെ  തന്ത്രപരമായ  ഒരു  മേഖലയാണ്  ഡിഫന്‍സും . ബോള്‍  കയ്യിലിരിക്കുന്നവനില്‍  നമ്മള്‍  ചെയ്യുന്ന  ഒരു  ടാക്കിള്‍ പിഴച്ചാല്‍  അവന്‍  നമ്മളെ  മറികടന്നു  എന്നാണര്ഥം . അതുകൊണ്ടാണ് പ്രൊഫഷണല്‍  മാച്ചില്‍  ഡിഫണ്ടര്‍മാര്‍ കാലു  ബോളിലേക്കിടാതെ  ചുമ്മാ എതിരാളിയെ കവര്‍ ചെയ്ത് മുന്നിലൊരു  തടസമായി  നില്‍ക്കുന്നത്  . ഇതിനെ  Contain എന്ന്  പറയും . ഡിഫന്‍സിലെ  ആദ്യ  പാഠം  Contain  ചെയ്യുകയെന്നതാണ് . അതുകൊണ്ട്  , Contain ചെയ്യാന്‍  ശീലിക്കുക  . Sometimes , defenders be like - " You can have the ball , as long as you don't get past me "

 
Defense lesson 1 : "Contain"

സ്റ്റേജ് 2 : മാറി  മാറി  ഡിഫണ്ട്  ചെയ്യുക  . ഒരാളുടെ  പിന്നാലെ  ഒരു  ഡിഫണ്ടറെ  തന്നെ  ഓടിക്കാതെ .അടുത്ത  ആലെക്കൊണ്ടും  കവര്‍ ചെയ്യിക്കുക .

സ്റ്റേജ് 3  : Cut passing lines . ഫുട്ബാളില്‍  എപ്പോഴും അടുത്ത രണ്ടു  നീക്കങ്ങള്‍ മുന്‍കൂട്ടി  കാണണം  , പ്രത്യേകിച്ച്  ഡിഫന്‍സില്‍  , ബോള്‍  കയ്യിലുള്ള  എതിരാളി ആര്‍ക്ക്  പാസ്  ചെയ്യും  എന്നത്  മുന്‍കൂട്ടി  കണ്ടു  അത്  intercept ചെയ്യാന്‍  ശ്രമിക്കുക .

സ്റ്റേജ്  4 : Time your tackles . Contain ചെയ്തുകൊണ്ടേ  ഇരിക്കുക . എതിരാളി  ചെറിയൊരു  പിഴവ് വരുത്തുമ്പോള്‍  കൃത്യമായി  ടാക്കിള്‍  ചെയ്യുക  . ആദ്യം  Standing tackle പ്രാക്റ്റീസ്  ചെയ്യുക .

സ്റ്റേജ്  5 : Sliding Tackle . സ്വന്തം  ബോക്സില്‍  ഒരിക്കലും  sliding tackle ചെയ്യരുത്  . ടൈമിംഗ്  ശരിയല്ലെങ്കില്‍  Sliding Tackle , standing tackle നേക്കാള്‍  വലിയ  അബദ്ധമാണ് . നല്ല  ടൈമിങ്ങില്‍  കൃത്യമായി  sliding tackle ചെയ്യാന്‍  കഴിയണം .

* റിയല്‍  ലൈഫ്  ഫുട്ബാളില്‍  ക്ലിയരിങ്ങിനുള്ള പ്രാധാന്യം  ഫിഫയിലില്ല . ക്ലിയര്‍ ചെയ്ത്  ത്രോയും  കോര്‍ണരും  ആക്കേണ്ടതില്ല . എന്നാല്‍  എതിരാളികള്‍ ബോക്സില്‍  നിറഞ്ഞിരിക്കെ  അധികം  സമയം  പന്ത്  ബോക്സില്‍  വെക്കാതിരിക്കുന്നതാണ്  ഉത്തമം . പെട്ടെന്ന്  തന്നെ  വിംഗ്  ബാക്കുകല്‍ക്കോ  മറ്റോ പാസ്‌ ചെയ്ത്  കളി  മിട്ഫീല്ടില്‍ എത്തിക്കുക .

നമുക്കെതിരെ  കളിക്കുന്നവന്‍  നമ്മുടെ  എതിരാളി  മാത്രമാണ്  . നമ്മുടെ  ശത്രു  സമ്മര്‍ദമാണ് . സമ്മര്‍ദമില്ലാതെ  മാത്രമേ  ഫിഫ  കളിക്കാവൂ . എങ്കിലേ ക്രിയേറ്റീവ്  ആയി  കളിക്കാന്‍  കഴിയുകയുള്ളൂ .  മുമ്പ്  സൗരവ്  ഗാംഗുലി  ഇന്ത്യന്‍ ക്രിക്കറ്റ് ടീമില്‍  നടത്തിയ ഒരു പരിഷ്കാരമായിരുന്നു മനശാസ്ത്ര വിദഗ്ദനെ ടീമിന്  വേണ്ടി  ജോലിക്കെടുക്കുക  എന്നത് . ഒരു ടീമിന്‍റെ morale അഥവാ മാനസികാവസ്ഥ  എത്ര  പ്രധാനമാണ്  എന്ന്  ഇത് സൂചിപ്പിക്കുന്നു   . ഫുട്ബാള്‍  തന്ത്രങ്ങളുടെ  കളി  ആണെന്ന്  പറഞ്ഞല്ലോ  ;  അപ്പോള്‍ ശാരീരികമായ  ഫിറ്റ്നെസ്  പോലെ  തന്നെ  പ്രധാനമാണ്  മാനസികമായ  ഫിറ്റ്‌നസും . 70 ആം  മിനിറ്റില്‍  രണ്ടാം  ഗോള്‍  ഏറ്റുവാങ്ങി  2-0 നു  തോറ്റ്  കൊണ്ടിരിക്കുകയാണോ  ? Be cool . There is no "playing hard" . Just play good .

Best of luck .

Written by : Ahamed Shibili

Thursday, 6 November 2014

Batman Arkham Origins Review

Game : Batman: Arkham Origins
Developer : Warner Bros. Games Montréal
Publisher : Warner Bros
Batman Created by Bob Kane
.
Assassin's creed സീരിയസ് കഴിഞ്ഞാൽ എനിക്കേറ്റവും ഇഷ്ട്ടമുള്ള ഗെയിം സീരിയസാണ് ബാറ്റ്മാൻ ആർഖം സീരിയസ്. ഒരിക്കൽ പോലും അത് എന്നെ ഡിസ്അപ്പൊയിന്റ്റ് ചെയ്തിട്ടും ഇല്ല...അതിൽ ഏറ്റവും അവസാനം ഇറങ്ങിയ വേർഷൻ ആയിരുന്നു "ഒറിജിൻസ്"...

ഒരു ക്രിസ്മസ് ദിവസം രാത്രിയിൽ ജയിൽ തകർത്ത് തടവുകാരെ മോചിപ്പിക്കാനുള്ള ബ്ലാക്ക്‌ മാസ്ക്കിന്റെ ശ്രമം തടയാൻ നമ്മൾ എത്തും. പക്ഷെ പണി കഴിഞ്ഞ് ബ്ലാക്ക് മാസ്ക് പോകും, പുള്ളിയുടെ ബോഡി ഗാർഡ് ആയ കില്ലർ ക്രൊക്കിനെ അവിടെ നിർത്തിയിട്ടാണ് പോകുന്നത്, അവനെ തല്ലി ഒതുക്കിയിട്ട് പല സത്യങ്ങളും നമ്മൾ അറിയും... അതായത്, നമ്മളെ കൊല്ലാൻ ലോകത്തിലെ തന്നെ ഏറ്റവും അപകടകാരികളായ 8 കൊലയാളികൾക്ക് ബ്ലാക്ക്‌ മാസ്ക് കൊട്ടേഷൻ കൊടുത്തിട്ടുണ്ട്... പിന്നീട് ബ്ലാക്ക്‌ മാസ്ക്കിനെ പിടിക്കാൻ വേണ്ടി നമ്മൾ പെൻഗ്വിനെ കാണാൻ പോകും, അവിടെ വെച്ച് രണ്ട് കൊലയാളികളെ നമ്മൾ തോൽപ്പിക്കും, പെൻഗ്വിനിൽ നിന്ന് ബ്ലാക്ക്‌ മാസ്ക് ഒരു ഹോട്ടലിൽ വെച്ച് കൊല്ലപ്പെട്ടു എന്ന സത്യം നമ്മൾ മനസിലാക്കും, ആ ഹോട്ടൽ പരിശോധിക്കാൻ നമ്മൾ ഇറങ്ങി പുറപ്പെടും.. അവിടെ സൂക്ഷ്മമായി നിരീക്ഷിച്ചപ്പോൾ കൊല്ലപ്പെട്ടത് ബ്ലാക്ക്‌ മാസ്ക് അല്ല എന്നും, ഇപ്പോൾ നമ്മൾ കാണുന്ന ബ്ലാക്ക്‌ മാസ്ക് ശരിക്കും ബ്ലാക്ക്‌ മാസ്ക് അല്ലെന്നും, ശരിക്കുള്ള ബ്ലാക്ക്‌ മാസിക്കിനെ വ്യാജൻ ബ്ലാക്ക്‌ മാസ്ക് പിടിച്ചു വെച്ചിരിക്കുകയാണെന്നും നമ്മൾ മനസിലാക്കും... കൂടുതൽ അന്വേഷിക്കുമ്പോൾ വ്യാജൻ ബ്ലാക്ക്‌ മാസ്ക്കിന്റെ ശരിക്കുള്ള പേരും നമുക്ക് ലഭിക്കും....."ദ ജോക്കർ".. പിന്നെ ജോക്കറിന്റെ പുറകെ ഉള്ള ഓട്ടവും, കൊലയാളികളുമായുള്ള ഏറ്റുമുട്ടലും ഒക്കെയാണ് കഥ, ഇടക്ക് വെച്ച് ആദ്യമായി ഗോർഡനെ നമ്മൾ പരിചയപ്പെടും, പക്ഷെ അപ്പോൾ അദ്ദേഹത്തിന് നമ്മളെ വിശ്വാസം ഇല്ലായിരുന്നു, പിന്നീട് കഥ അവസാനിക്കാറാവുമ്പോൾ ആണ് നമ്മളെ വിശ്വസിച്ച് തുടങ്ങുന്നത്...

സീരിയസിലെ മറ്റു ഗെയിംസിനെപ്പോലെ തന്നെ ഈ ഗെയിമിലെയും ഹൈലൈറ്റ് ഇതിലെ കോംമ്പാറ്റ് ആണ്. ഒരുപാട് അറ്റാക്കിംഗ് മൂവുകളും ആക്ഷനും കൊണ്ട് സംപുഷ്ട്ടമാണ് ഈ ഗെയിമും. ഒരുപാട് ഉപകരണങ്ങളും നമുക്ക് ഈ ഗെയിമിൽ ഉപയോഗിക്കാൻ കഴിയും, ആൾക്കാരെ ഐസ് ആക്കാനും, വട്ട് പിടിപ്പിച്ച് തമ്മിൽ തല്ലിക്കാനും, വള്ളിയിൽ കെട്ടി തൂക്കി ഇടാനും, തോക്കുകൾ ജാം ചെയ്ത് വെടി വെക്കാൻ പറ്റാത്ത രീതിയിൽ ആക്കാനും തുടങ്ങി, ഒരുപാട് കാര്യങ്ങൾ യുദ്ധത്തിൽ ചെയ്യാൻ കഴിയും.. ഇൻവെസ്റ്റിഗേഷൻ ചെയ്യുന്നത് അടിപൊളി ഫീച്ചർ ആണ്, കൊന്നയാളുടെ ഫിംഗർ പ്രിന്റും, ഡിഎൻഎയും, ബുള്ളറ്റ് വന്ന ആംഗിളും എല്ലാം വെച്ച് നടന്ന സംഭവം നമുക്ക് റീക്രിയേറ്റ് ചെയ്ത് കുറ്റം ചെയ്ത വ്യക്തിയെ കണ്ടെത്താൻ സാധിക്കും, പക്ഷെ പഴയ ഗെയിമുകളെക്കാളും പുതിയ സംഭവങ്ങൾ കൊണ്ട് വരാൻ സാധിച്ചില്ല എന്നത് ഒരു പോരായ്മ ആണ്...

Minimum System Requirements:-
  • CPU: Intel Core Duo, 2.4 GHz | AMD Athlon X2, 2.8 GHz
  • RAM: 2 GB
  • VGA: NVIDIA GeForce 8800 GTS | AMD Radeon 3850
  • DX: DX 10
  • OS: 32-bit: Vista, Win 7, Win 8
.
Pros -
1. ഹീ ഈസ്‌ ബാറ്റ്മാൻ!!!
2. വളരെ നല്ല ഗ്രാഫിക്സ് 
3. അടിപൊളി കോംമ്പാറ്റ്
4. ഒരുപാട് ടൂൾസ് ഉപയോഗിക്കാൻ കിട്ടും
5. ബോസ് ഫൈറ്റ് എല്ലാം നല്ല രസം ഉള്ളതാണ്
6. സൈഡ് മിഷീൻസ് ഒരുപാടുണ്ട് 
7. നല്ല കഥ
8. അപ്ഗ്രേഡ് ഒരുപാടുണ്ട്
9. മൾട്ടിപ്ലയർ ഫീച്ചർ ഉള്ള ഒരേയൊരു ബാറ്റ്മാൻ ഗെയിം
10. ഇൻവെസ്റ്റിഗേഷൻ ചെയ്യുന്നത് അടിപൊളി ആരുന്നു
11. ജോക്കറിന്റെ ഇൻട്രോ സൂപ്പർ ആരുന്നു
.
Cons -
1. ഈ സീരിയസിലെ പഴയ ഗെയിമുകളെ വെച്ച് നോക്കിയാൽ ഒരുപാട് പുതുമ കൊണ്ട് വരാൻ സാധിച്ചില്ല.
2. നഗരത്തിൽ ജനവാസം ഇല്ല.
3. പതിവ് പോലെ തന്നെ ബാറ്റ്മൊബൈലും പ്ലെയ്നും ഓടിക്കാൻ കിട്ടൂല 
.
My rating - 9/10